Vijojmë me takimin e tretë të ciklit të konferencave Talks@UNIZKM_2024, Arkitektura Italiane Bashkëkohore. Nën kujdesin e Prof. Fabio Capanni, Dekan i Fakultetit të Shkencave të Aplikuara të Universitetit Katolik “Zoja e Këshillit të Mirë” dhe i Ark. PhD Roberto Bosi, anëtar i Departamentit të Arkitekturës, do të zhvillohet konferenca me titull Dario Costi Studio MC2AA "Architettura come forma di vita”. I ftuari Dario Costi, Profesor në Universitetin e Parmës dhe Arkitekt, do u tregojë studentëve dhe të pranishmëve përvojën dhe rolin e tij në atë që tani e përkufizojmë si Arkitektura Italiane Bashkëkohore. Konferenca do të jetë një hapësirë edukative dhe profesionale për të shkëmbyer mendime dhe për të përfituar nga perspektivat që e bëjnë arkitekturën një nga shkencat më emocionuese të zhvillimit njerëzor dhe urban.
Ju presim në 14 Maj 2024, në orën 16:00 në prezencë në sallën B206, Universiteti Katolik “Zoja e Këshillit të Mirë”.
