Universiteti Katolik "Zoja e Këshillit të Mirë" është jo vetëm djepi i studimit dhe kërkimit shkencor por edhe i lëvrimit të ideve, temave dhe zbulimeve novatore në shëndetësi.
E tillë është Konferenca që do të organizohet në datën 18 Mars 2024 në "Aula Magna" nga ora 09.00-11.00 ku do të jetë i ftuar një nga zërat më autoritarë të mjekësisë në Itali Profesor Generoso Bevilacqua.
Profesori i nderuar do të referojë gjatë konferencës për zbulimet më të fundit që shkenca e mjekësisë ka sjellë me kërkimet e saj për të mbrojtur shëndetin e vajzave dhe grave sepse sot një nga sfidat kryesore të shëndetit parësor është njohja dhe parandalimi i viruseve që shkaktojnë kancerin e gjirit.
Ju ftojmë të mos e humbisni këtë konferencë që është një kontribut në rrugën e zbulimit të viruseve kancerogjene.
20 vite në Evropë!
Jemi kudo, jemi UKZKM!
