Kemi kënaqësinë të njoftojmë botimin e një pune të rëndësishme shkencore të kryer nga Prof. asoc. Silvi Bozo, Dr. Elena Capparelli dhe Prof. Asoc. Eftiola Pojani të Fakultetit të Farmacisë, Departamenti i Teknologjive Kimiko-Farmaceutike dhe Biomolekulare, në Universitetin Katolik "Zoja e Këshillit të Mirë". Artikulli i titulluar “Një analizë trasversale e përdorimit të antibiotikëve: qëndrimet dhe praktikat në komunitetin shqiptar”, u botua në një revistë prestigjoze Elsevier.
Ky studim heton çështjen kritike të përdorimit të antibiotikëve brenda komunitetit shqiptar, duke ofruar njohuri të vlefshme për qëndrimet dhe praktikat aktuale. Gjetjet synojnë të ndikojnë në politikat e shëndetit publik dhe të promovojnë përdorimin e përgjegjshëm të antibiotikëve, duke kontribuar kështu në përpjekjet globale në luftën kundër rezistencës ndaj antibiotikëve.
Ju ftojmë të lexoni artikullin e plotë në linkun e mëposhtëm: https://doi.org/10.1016/j.cegh.2024.101658
