Universiteti Katolik "Zoja e Këshillit të Mirë" përshëndet nismën e propozuar nga Rektori i Universitetit të Mjekësisë, Tiranë, Prof. Dr. Arben Gjata.
Njëkohësisht kreu i Taskës-Forcës anti-covid, Prof. Dr. Arben Gjata ka propozuar që studentët e viteve të fundit të kthehen në spitale për të bërë praktikat, por edhe për t’iu bashkuar stafit mjekësor për të përballuar situatën e pandemisë.
“Ne kemi propozuar që studentët e vitit të fundit në mjekësi dhe ata të viteve të fundit të infermierisë të hyjnë të bëjnë praktikat studimore por të ndihmojnë edhe stafin mjekësor” - është shprehur Prof. Dr. Arben Gjata.
