Vlerat e industrisë italiane në Shqipëri: qëndrueshmëria dhe përgjegjësia sociale e bizneseve

Ditën e mërkurë, më datë 5 qershor 2024 u mbajt Asambleja e Përgjithshme e “Confindustria Albania” ku prof. Giovanni Lagioia, Delegat i Rektorit të Universitetit Katolik "Zoja e Këshillit të Mirë" për bashkëpunimin me bizneset dhe botën e punës moderoi diskutimin me temë "Vlerat e industrisë italiane në Shqipëri: qëndrueshmëria dhe përgjegjësia sociale e bizneseve". Në diskutim morën pjesë gjashtë kompani italiane të cilat ilustruan angazhimin e tyre në Shqipëri, edhe në lidhje me përfshirjen e temave të qëndrueshmërisë, duke ndarë shembuj dhe përvoja të vlefshme. Ishte një mënyrë bindëse për të festuar Ditën Botërore të Mjedisit.