Një Vit i ri Akademik është gati të fillojë
E ARDHMJA JUAJ FILLON NGA ZKM
Prof. Leonardo Palombi
Rektor i Universitetit Katolik "Zoja e Këshillit të Mirë"
Të dashur studentë!
Mirësevini në Universitetin tonë!
Dëshiroj t’ju përgëzoj nga zemra ju dhe familjet tuaja për suksesin që keni patur në kalimin e testeve të pranimit dhe në zgjedhjen e institucionit tonë. Po nis një sezon i ri dhe vendimtar i jetës tuaj dhe në emër të stafit pedagogjik dhe të personelit dëshiroj t’ju shpreh të gjithëve angazhimin tonë për t’ju shoqëruar në këto vite shumë të rëndësishme të një formimi jo vetëm profesional, por edhe njerëzor, kulturor, serioz, të thelluar dhe në hapin e kohës. E kam përsëritur shumë herë dhe po e bëj edhe sot me ju: nuk ofrojmë thjesht tituj, por formim! Për këtë arsye do ta gjeni veten në një komunitet ndërkombëtar dhe kozmopolit, gjithëpërfshirës dhe të ngushtë, por edhe kërkues dhe ambicioz për zhvillimin tuaj njerëzor dhe kulturor. Dua të nënvizoj bazuar edhe në atë që ka thënë Papa Gjon Pali II: “Merrni jetën tuaj dhe bëjeni një kryevepër!” Pra, jeta juaj të bëhet kryevepër e inteligjencës, e aftësive, e kulturës dhe e njerëzimit! Angazhim të mbarë! Ne do të jemi këtu dhe unë do të jem gjithmonë pranë jush. Dyert e mia dhe tonat janë të hapura për çdonjërin nga ju.
