Asambleja e Përgjithshme e Unionit të Universiteteve të Mesdheut do të mblidhet në datat 23 dhe 24 Tetor në Turqi dhe Universiteti Katolik “Zoja e Këshillit të Mirë” sì pjesë e këtij organizmi, do të përfaqësohet nga e deleguara e Rektorit për “Marrëdhëniet me Universitetet dhe Renditjet” Prof. Angela Andreoli.
Ky takim përfaqëson një ngjarje të rëndësishme, gjatë të cilës rektorë, Presidentë apo përfaqësues shkëmbejnë inisiativa, këndvështrime dhe eksperienca të vyera.
Ky është një takim që kontribuon edhe në kalendarin akademik të universiteteve të Mesdheut. Konferenca mikpret rreth 150 përfaqësues dhe gjatë dy ditëve do të ndihmojë në rritjen e partneritetit shumëpalësh universitar.
