Çdo vit që kalon Universiteti Katolik “Zoja e Këshillit të Mirë” rritet më shumë, bashkon studentë nga Shqipëria dhe e gjithë Evropa, u jep të rinjve mundësinë të jetojnë një eksperiencë të plotë akademike dhe njerëzore.
Çdo vit kampusi ynë bëhet dëshmitar i historive të suksesit që shënojnë studentët tanë në programet e studimit Mjekësi, Odontoiatri dhe Proteza Dentare, Infermieri, Fizioterapi, Farmaci, Ekonomi dhe Arkitekturë.
Kemi 20 vjet që kemi revolucionarizuar sistemin universitar në Shqipëri, duke udhëhequr me standardet e njohura si sukses nga e gjithe bota, jetën akademike dhe kërkimore në vend.
Çdo vit na duket sikur është hera e parë, ndaj ruajmë me kujdes traditën e edukimit përmes mësimit dhe praktikës, monitoruar nga profesorë ekselentë, në partneritet me universitete të Italisë.
Ne kërkojmë suksesin tek të rinjtë që kanë zgjedhur UKZKM sepse ata janë dëshmia e ekselencës së Universitetit Katolik "Zoja e Këshillit të Mirë".
