Mail: [email protected]
Tel: +355 04 227 3290
Delegat i Rektorit për “Marrëdhëniet Ndërkombëtare dhe Shkollat Katolike”.
Prof. Raul Caruso, i lindur në Avellino, ka përfunduar studimet e tij në Napoli. Më pas, ka kryer një master në ASERI të Milanos, një Master në Ekonomi në Universitetin Katolik të Leuven (Belgjikë), dhe në fund një Doktoraturë në Institucione dhe Organizata në “Università Cattolica Sacro Cuore" të Milanos. Aktualisht është profesor i Politikës Ekonomike në të njëjtin universitet, ku jep leksione në Politikë Ekonomike, Ekonomi Ndërkombëtare dhe Ekonomia e Paqes. Ai është redaktor i revistës "Peace Economics, Peace Science and Public Policy" dhe anëtar i komitetit redaksional të "Defense and Peace Economics". Ai përfaqëson “Università Cattolica Sacro Cuore" në RUNPACE (Rrjeti i Universiteteve Italiane për Paqen) si edhe kryetar i seksionit italian të EPS (Ekonomistët për Paqen dhe Sigurinë). Në periudhën 2009-2019, ka qenë drejtor ekzekutiv i Rrjetit të shkencëtarëve evropianë të paqes. Në vite ka mbajtur konferenca në universitete të ndryshme, përfshirë MIT në Boston, Universitetin e Bath, Universitetin Qendror të Financës dhe Ekonomisë në Pekin, Universitetin e Hiroshimës, Universitetin e Varshavës, Universitetin Shtetëror të Novosibirsk dhe Universitetin e të Drejtave të Njeriut në Kazakistan. Prof. Caruso ka fituar shumë çmime, përfshirë Manas Chatterji Global Scholarship Award 2021nga Shoqata e Shkencave të Paqes për kontributet në përhapjen e Shkencave të Paqes, Medaljen NEPS 2017 për botimin më të mirë në Shkencat e Paqes në vitin 2016, Çmimin Capri-San Michele 2017 për librin 'Ekonomia e Paqes', një çertifikatë për kërkimin më të cituar në Journal of Policy Modeling, Çmimin Isimbardi 2011 të Provincës së Milanos dhe Çmimin Stuart A. Bremer të Shoqatës Ndërkombëtare të Shkencave të Paqes."
Prof. Caruso është aktualisht drejtor i CESPIC (Qendra Evropiane për Shkencën e Paqes, Integrimin dhe Bashkëpunimin) në Universitetin Katolik "Zoja e Këshillit të Mirë" gjithashtu është delegat i Rektorit për Marrëdhëniet Ndërkombëtare dhe Shkollat Katolike.
