Klinika Universitare Stomatologjike “Zoja e Këshillit të Mirë” është një prej klinikave më të mëdha dhe prestigjoze stomatologjike universitare në Tiranë. Funksionon si e tillë që prej vitit 2008 dhe ndodhet brenda kampusit të Universitetit Katolik “Zoja e Këshillit të Mirë”, Rruga “Dritan Hoxha”, Laprakë-Tiranë.
Klinika Stomatologjike Universitare “Zoja e Këshillit të Mirë” dhe ekipi i mjekëve stomatologë punojnë me frymën e një stomatologjie ekselente duke ndjekur në mënyrë të vazhdueshme përditësimet profesionale, për të garantuar gjithmonë e më tepër shërbime dentare cilësore dhe përparimtare.
Kjo klinikë merr përsipër të kurojë pacientët dhe buzëqeshjen e tyre duke u angazhuar me profesionalizëm dhe përkushtim në të gjithë fushat e stomatologjisë:
- Terapi
- Endodonti konservative
- Proteza fikse dhe të lëvizshme
- Kirurgji orale
- Ortodonci e pedodonti
- Paradontologji
- Radiologji
Në klinikën tonë vizitat e para dhe konsulta, kryhen nga një staf i specializuar për çdo fushë përkatëse. Konsulta vlerëson situatën e patologjive që mund të prekin dhëmbin (kariesin), strukturën mbështetëse të dhëmbit (paradontin) dhe mishrat (gengivën), problemet ortodontike tek fëmijët por edhe tek të tërriturit, vlerësimin për parandalimin e sëmundjeve tumorale dhe atyre sistemike si dhe mbjelljen e dhëmbëve (implantologjinë). Në përfundim të konsultës ofrohet plani i trajtimit dhe preventivi përkatës për pacientin.
Për më shumë informacion në lidhje me shërbimet që ofron Klinika Universitare Stomatologjike “Zoja e Këshillit të Mirë”, ju lutemi të klikoni në linkun e mëposhtëm:
https://fzkm.org/qendra-stomatologjike/sherbimet/
Kontakte:
Adresa: Kompleksi Spitalor Universitar "Zoja e Këshillit të Mirë"Rr. “Dritan Hoxha”, Tiranë, Shqipëri
- Tel: +355 422 73 294
- E-mail: [email protected]
- Web: www.fzkm.org
