Kandidatët që kanë përfunduar arsimin e mesëm përpara vitit shkollor 2017- 2018

Bazuar ne njoftimet e pranimit të publikuara me sipër ju informojmë mbi kriteret dhe proçedurat e pranimit për raundin e II-të:

I. Kuotat e Pranimit

Programi i studimit	Kuota
Arkitekturë	16
Ekonomi Ndërmarrjeje	49
Farmaci	43
Infermieristikë	55
Fizioterapi	45
Odontoiatri dhe Proteza Dentare	28
Mjekësi	51

 

---

II. Datat e konkurseve/testimeve te pranimit

Testimet e vlerësimit/konkurset e pranimit për raundin e II-të do të zhvillohen pranë Universitetit Katolik "Zoja e Këshillit te Mire", sipas datave të mëposhtme:

Programi i studimit	Data	Ora
Mjekësi	24.09.2018	16:00
Odontoiatri dhe Proteza Dentare	25.09.2018	11:00
Fizioterapi	25.09.2018	09:00
Infermieristikë	25.09.2018	09:00
Arkitekturë	25.09.2018	15:00
Ekonomi Ndërmarrjeje	25.09.2018	15:00
Farmaci	25.09.2018	13:00

 

---

III.Aplikimi

Në konkurset/testimet vlerësuese të raundit të II-rë do të marrin pjesë kandidatët që:

1. Kanë plotësuar formularin A1 (Matura Shtetërore 2018) ose A1Z (kandidatët që kanë përfunduar arsimin e mesëm përpara vitit 2017-18) në portalin online të Maturës Shtetërore;
2. Kanë përzgjedhur programet e studimit të Universitetit Katolik "Zoja e Këshillit të Mirë" në portalin online të aplikimit universitar U-Albania: https://ualbania.arsimi.gov.al/, në datat 15 Shtator-20 Shtator;

Listën e aplikantëve që kanë përzgjedhur programet tona të studimit në portalin U-Albania, për raundin e II-të, Universiteti e merr pas datës 21 Shtator.

SHËNIM:NËSE NUK ZGJIDHNI SI PREFERENCË UNIVERSITETIN KATOLIK "ZOJA E KËSHILLIT TË MIRË", NUK MUND TË MERRNI PJESË NË TESTIMET VLERËSUESE/KONKURSET TONA TË PRANIMIT, E PËR RRJEDHOJË, NUK MUND TË REGJISTROHENI NË UNIVERSITETIN TONË.

---

IV. Pjesëmarrja në konkurset e pranimit/testimet vlerësuese

Kandidatët që kanë përzgjedhur programet tona të studimit në portalin U-Albania, duhet të paraqiten pranë Zyrës së Pranimeve të Universitetit të pajisur me një dokument identifikimi për të përfunduar proçedurën e regjistrimit për në testimet/konkurset e pranimit dhe për të paguar tarifën e regjistrimit prej 2.000 lekë:

- në datat 21 Shtator - 24 Shtator, ora 12:00 për programin e studimit në Mjekësi;
- në datat 21 Shtator - 24 Shtator ora 16:00 për programet e studimit në Odontoiatri dhe proteza Dentare, Infermieristikë dhe Fizioterapi; 
- në datat 21 Shtator - 25 Shtator ora 11:00 për programet e studimit në Farmaci dhe Arkitekturë
- në datat 21 Shtator - 25 Shtator ora 14:00 për programin e studimit në Ekonomi Ndërmarrjeje.

Në datat e konkurseve/testimeve përkatëse, kandidatët paraqiten pranë Sekretarisë Mësimore 30 minuta përpara fillimit të konkursit/testimeve, të pajisur me një dokument identifikimi (kartë identiteti ose pashaportë).

---

V. Konkurset e pranimit/testimet vlerësuese

Kandidatët që përzgjedhin në Portalin U-Albania programet e studimit në: Farmaci; Infermieristikë; Fisioterapi; Arkitekturë do të paraqiten pranë Universitetit Katolik ‘‘Zoja e Këshillit të Mirë’’për t’u vlerësuar a. me shkrim në gjuhën italiane, mbi njohuri të përgjithshme të fituara gjatë shkollës së mesme në Shkencat Natyrore; b. mbi njohuritë e gjuhës italiane. Ekonomi Ndërmarrjeje; Inxhinieri Ndërtimi dhe Mjedisi do të paraqiten pranë Universitetit Katolik ‘‘Zoja e Këshillit të Mirë’’për t’u vlerësuar me shkrim mbi njohuritë e gjuhës italiane. Rezultatet e vlerësimeve për programet e mësipërme të studimit dhe mesatarja e përgjithshme e shkollës së mesme (Mesatarja e VKM-së) do të shërbejnë për renditjen e kandidatëve në portalin U-Albania. Vlerësimet kanë për qëllim njohjen e formimit aktual të studentit të ardhshëm!

 

Kandidatët që përzgjedhin në Portalin U-Albania programet e studimit në: Mjekësi; Odontoiatri dhe Proteza Dentare do të kryejnë konkursin e pranimit pranë Universitetit Katolik "Zoja e Këshillit të Mirë", i cili zhvillohet në gjuhën italiane dhe konsiston në: 1. Testim me shkrim në italisht, mbi njohuritë në shkencat natyrore (bazuar në lëndët si Biologji, Kimi, Matematikë, Fizikë) - (30 pikë) 2. Testim me shkrim mbi njohjen e gjuhës italiane - (20 pikë); 3. Përllogaritja e Mesatares së përgjithshme (30 pikë) ose mesatares së VKM-së që shprehet si mesatarja aritmetike e thjeshtë e dy treguesve të mëposhtëm: - Mesatares së Përgjithshme të shkollës së mesme (Mesatarja aritmetike e thjeshtë e notave përfundimtare vjetore të lëndëve për të gjitha vitet e shkollimit në arsimin e mesëm) - Mesatares së Maturës Shtetërore (Mesatarja aritmetike e thjeshtë e notave të provimeve të detyruara dhe provimeve me zgjedhje të Maturës Shtetërore) Në bazë të pikëve të grumbulluara bëhet edhe renditja e kandidatëve në portalin U-Albania. Renditja fillon me kandidatin me më shumë pikë dhe vijon në rendin zbritës.

Lista e renditjes së kandidatëve me ID-në përkatëse do të afishohet në ambientet e Universitetit dhe do të publikohet në faqen zyrtare www.unizkm.al brenda datës 25 Shtator 2018.

---

VI. Proçesi i regjistrimit

Kandidatët që janë shpallur fitues të konkurseve të pranimit/testimeve vlerësuese të raundit të II-rë, duhet të regjistrohen pranë Sekretarisë Mësimore në datat 27 Shtator deri në 6 Tetor 2018, nga ora 08:00-16:30. Sipas Udhëzimit nr.18 dt. 21.05.2018 të Ministrisë së Arsimit, Sportit dhe Rinisë (MASR), kjo periudhë është e ndarë në 5 faza. Çdo fazë zgjat 48-orë.

Kandidatit të shpallur fitues i dërgohet një e-mail nga Sekretaria Mësimore ku janë të detajuara dokumentet e nevojshme për regjistrim dhe afati 48 orësh i kandidatit.

Kur kandidati është shpallur fitues, ai duhet të paraqitet pranë Sekretarisë Mësimore brenda afatit 48-orësh. Nëse kandidati nuk regjistrohet brenda afatit 48-orësh, ai humbet të drejtën e regjistrimit, në ato programe studimi ku ishtë shpallur fitues në atë fazë dhe Sekretaria Mësimore thërret automatikisht kandidatin tjetër.

Këto faza vijojnë deri në plotësimin e kuotave dhe përfundojnë në datën 6 Tetor 2018.

Nëse gjatë këtij proçesi do të konstatohen kuota të paplotësuara dhe nuk do të ketë kandidatë në pritje, do të rikthehen në garë kandidatët e shpallur fitues në fazat paraardhëse që nuk rezultojnë të regjistruar në programe të tjera studimi.

Kandidatët e shpallur fitues, për t’u regjistruar duhet të dorëzojnë pranë Sekretarisë Mësimore personalisht ose nëpërmjet përfaqësuesit të autorizuar me prokurë nga ana e tyre, dokumentacionin e mëposhtëm:

• Mandatin e kryerjes së pagesës së këstit të parë apo të këstit të plotë të tarifës vjetore të studimit (urdhërpagesa për t’u paraqitur në bankë, shkarkohet nga portali studenti, zëri Tasse);
• Diplomën e Maturës Shtetërore (origjinale) dhe fotokopjen e noterizuar të saj;
• Lista e notave (origjinale) dhe fotokopjen e noterizuar të saj;
• Vërtetim mjeko - ligjor;
• Çertifikatë familjare;
• Vërtetim banimi;
• Çertifikatën e mbrojtjes së gjuhës së huaj bazuar në Ligjin nr. 80/2015 “Për Arsimin e Lartë dhe Kërkimin Shkencor” dhe në Udhëzimin e MASR nr. 20, datë 22.9.2017 (nëse e disponon, dhe vetëm për programet e studimit në Farmaci, Odontoiatri dhe Proteza Dentare, Mjekësi dhe Arkitekturë);
• 2 foto.

Pranë Sekretarisë Mësimore do të plotësohen gjithashtu:

• Kërkesa e regjistrimit (mund të shkarkohet edhe nga portali studenti);
• Deklarata e paraqitur në Shtojcën nr. l të Udhëzimit nr. 18 dt. 21.05.2018 (mund të shkarkohet edhe nga portali studenti);
• Kontrata e regjistrimit;
• Formulari i shkarkuar nga portali U-Albania.

---

VII. Proçesi i çregjistrimit

Kandidati ka të drejtë të çregjistrohet vetëm më datë 7 Tetor 2018. Ai paraqet një kerkesë për çregjistrim pranë Sekretarisë Mësimore duke tërhequr dokumentet e dorëzuara. Nëse nuk e kryen këtë veprim brenda kësaj date, ai nuk ka të drejtë ta ndryshojë programin e studimit për këtë vit akademik. Çregjistrimi kryhet në portalin U-Albania dhe pranë Sekretarisë Mësimore.

---

Kriteret e pranimit në programet e Ciklit të I dhe në ato të integruara të Ciklit të II për vitin akademik 2018-2019:

https://unizkm.al/al/menu-e-shpejte/news-evente/1888-kriteret-e-pranimit-p%C3%ABr-vitin-akademik-2018-2019

 

Sipas V.K.M. nr. 216, dt. 20.4.2018 për përcaktimin e kriterit të notës mesatare për vitin akademik 2018-2019:

Për të gjithë kandidatët, të cilët kanë përfunduar arsimin e mesem, nota 6 (gjashtë) është  nota mesatare minimale për tu pranuar në Universitetin Katolik "Zoja e Këshillit të Mirë", për vitin akademik 2018-2019 në:

• programet e studimit të ciklit të parë;
• programet e integruara të studimeve të ciklit të dytë;
• ose për të transferuar studimet në vitet e ndërmjetme të këtyre programeve.

• Linku i V.K.M-së Nr 216 date 20/04/2018 
• Publikojmë Udhëzimin nr. 18 dt. 21.05.2017 për proçedurat e aplikimit dhe të regjistrimit në programet e Raundit të I-rë të studimeve, në programet e studimeve me karakter profesional, si dhe në programet e integruara të Ciklit të II-të, në Institucionet e Arsimit të Lartë, për vitin akademik 2018- 2019.
• Udhezim nr 18 dt 21.5.2018.pdf 

---

• Për t'u njoftuar me e-mail mbi të rejat rreth aplikimit dhe regjistrimit në Universitetin Katolik "Zoja e Këshillit të Mirë", mund të shprehni interesin tuaj duke plotësuar formularin që gjeni në linkun e mëposhtëm:
• Linku:Shprehje interesi
•  Ose të konsultoni Forumin Pyetje të Shpeshta (FAQ-Frequently Asked Questions) :
• Linku:FAQ: Pyetjet më të shpeshta (Frequently Asked Questions)