Kujtimi i së Mirës është një mjet i fuqishëm edukues dhe shërben për të parandaluar gjenocidet dhe krimet kundër Njerëzimit. Në lidhje me këtë, në vitin 2012 Parlamenti Evropian caktoi 6 Marsin si Ditën e të Drejtëve, për të përhapur vlerat e përgjegjësisë, tolerancës dhe solidaritetit. Koncepti i të Drejtit përfshin ata të cilët, në çdo anë të botës, kanë shpëtuar jetë njerëzore në të gjitha gjenocidet, kanë mbrojtur dinjitetin njerëzor gjatë periudhave të totalitarizmit dhe kanë treguar përkushtim ndaj të mirës së përbashkët duke rrezikuar edhe jetën e tyre.
Kopshti i të Drejtëve i Fondacionit tonë në Tiranë karakterizohet nga zgjedhja për të gdhendur emrin e të Drejtëve në gurë që vijnë nga shpella të ndryshme të Shqipërisë, duke nënkuptuar forcën shembullore dhe bukurinë e përhershme të dëshmisë.
Në këtë mënyrë, ky vend kthehet në një hapësirë për takime dhe diskutime ku kujtimet e së shkuarës gjenerojnë të ardhmen.
