Një grup studentësh të Arkitekturës i gjeni deri në 8 shkurt 2020 në qytetin e Beratit. Në bashkëpunim me partnerin akademik, Universitetin e Studimeve të Firences, studentët po kryejnë rilevimet (matjet) e ndërtesave karakteristike të qytetit muze: portën hyrëse dhe kishat e lagjes së Kalasë, shtëpitë e rreshtit të parë, si dhe banesat e lagjes Goricë.
Të gjithë maturantët, por edhe qytetarët e interesuar mund t’u bashkohen dhe t’i ndjekin nga afër gjatë punës së tyre profesorët dhe studentët.
Këto matje me teknologji të avancuar dhe i gjithë studimi në tërësi do të vihen në shërbim të zhvillimit të qytetit të Beratit.
