Tashmë është traditë e konsoliduar prej vitesh që maturantët e të gjithë Shqipërisë dhe jo vetëm, të njihen nga afër me kushtet dhe infrastrukturën e kampusit ndërkombëtar.
Përveçse do të njihen me tarifat shumë avantazhuese të këtij viti, të rinjtë dhe prindërit e tyre kanë mundësi të takohen me profesorë, koordinatorë, të vizitojnë bibliotekën, laboratoret, klinikat e shumta të praktikës mësimore, sallat e mësimit, terrenet sportive dhe hapësirat e dedikuara për jetën sociale gjatë studimeve.
Gjatë “Open Day” maturantët e interesuar do të kenë mundësi të vizitojnë edhe Spitalin Katolik Zoja e Këshillit të Mirë ku kryhen praktika të dobishme për programet e studimit që ofron UKZKM.
Brenda kampusit studentët orientohen me lehtësi duke kursyer kohën e tyre sepse UKZKM ofron gjithshka brenda një territori të plotë, shumë pranë qendrës së Tiranës, duke lehtësuar edhe kushtet e transportit ditor.
OPEN DAY në 12 prill është menduar deri në detaje si një ditë njohjeje dhe argëtimi.
Pra jo vetëm do të merrni informacion, por do të ndiqni organizime të dedikuara nga çdo Program Studimi.
Pedagogët dhe koordinatorët tanë do të shpjegojnë me profesionalizëm gjithçka duhet për programet tona të studimit në Ekonomi, Farmaci, Arkitekturë, Fizioterapi, Infermieri, Odontoiatri dhe Mjekësi.
Ndaj mos mungo në 12 Prill 2025!
Ju presim prej orës 9.00 të mëngjesit!
Ne në UKZKM jemi shumë krenarë për rezultatet tona në këto 20 vjet dhe kjo duket në arritjet e brezave të studentëve tanë të diplomuar ndër vite që sot nderojnë veten, familjet e tyre dhe ne kudo ku punojnë, në Shqipëri, Bashkimin Evropian, SHBA etj.
