Misioni
Promovimi i përsosmërisë në kërkimin infermieristik për të përmirësuar shëndetin, sigurinë e pacientit dhe mirëqenien e popullatës.
Vizioni
Qendra Kërkimore CIRIM:
Frymëzon dhe nxit inovacionin mbi kërkimin infermieristik, duke përmirësuar shëndetin dhe mirëqenien e njerëzve.
Është një djep dijesh që tërheq talentet më të mira dhe promovon bashkëpunimin ndërdisiplinor për t’i ofruar progres profesionit të infermierisë.
Është një katalizator i ndryshimit i cili e pasqyron kërkimin në praktikë, duke përmirësuar cilësinë e kujdesit infermieristik dhe përvojën e pacientit.
Punon për të promovuar barazi dhe përfshirje duke siguruar që të gjithë, pavarësisht nga prejardhja ose statusi që kanë, të përfitojnë nga përparimet e kërkimit infermieristik.
Objektivat
CIRIM synon të zbatojë studime dhe kërkime që kanë si qëllim:
- Përmirësimin e cilësisë së kujdesit infermieristik përmes prodhimit të provave shkencore mbi rezultatet e kujdesit infermieristik, mbi efektivitetin e praktikave dhe teknologjive të reja dhe mbi sigurinë e pacientit.
- Promovimi i shëndetit dhe mirëqenies së njerëzve, nëpërmjet kërkimeve mbi faktorët që ndikojnë te shëndeti, mbi modelet e parandalimit dhe trajtimit, si dhe mbi nevojat e shtresave më të rrezikuara të popullsisë.
- Zhvillimi i vazhdueshëm i profesionit të infermierit, nëpërmjet formimit të infermierëve studiues të kualifikuar dhe përhapjes së njohurive shkencore në të gjitha kanalet e disponueshme.
Fushat Makro të kërkimit
- Kujdesi parësor dhe parandalimi
- Sëmundjet kronike dhe sëmundjet shoqëruese
- Kujdesi akut dhe kritik
- Shëndeti dhe mirëqenia mendore
- Etika dhe politika e infermierisë
Në mënyrë më të detajuar, qendra kërkimore i fokuson studimet e saj në tema që lidhen me:
- promovimin e shëndetit
- kronicitetin
- shëndetin mendor
- fushën e kujdesit kritik dhe emergjencave
- kujdesin klinik si në fushën mjekësore ashtu edhe në atë kirurgjikale
- kujdesin territorial
- kujdesin paliativ
- organizimin dhe menaxhimin
- kërkimet translacionale
Synimet dhe strategjitë
- Kryerja e studimeve policentrike dhe ndërdisiplinore, të cilat përfshijnë studiues nga vende dhe disiplina të ndryshme.
- Zhvillimi dhe zbatimi i modeleve kërkimore bashkëpunuese, të cilat nxisin shkëmbimin e njohurive dhe kompetencave midis studiuesve nga vende të ndryshme.
- Kryerja e vlerësimeve klinike dhe vlerësimeve teknologjike mbi produktet e reja ose pajisjet klinike që promovojnë përmirësimin strategjik të performancës ose cilësisë së jetës për pacientët.
- Promovimi i përhapjes së njohurive shkencore, nëpërmjet botimit të artikujve shkencorë, promovimit dhe pjesëmarrjes në konferenca ndërkombëtare dhe edukimit të vazhdueshëm të infermierëve dhe profesionistëve të tjerë të shëndetësisë.
Vlerat
- Ekselenca: Ne jemi të përkushtuar të kryejmë kërkime cilësore, rigoroze dhe inovative.
- Ndikimi: Kërkimet tona janë të orientuara drejt përmirësimit të praktikës infermieristike dhe shëndetit të popullatës.
- Bashkëpunimi: Ne besojmë në bashkëpunimin ndërprofesional dhe ndërdisiplinor për të arritur rezultate më të mira.
- Diversiteti dhe Përfshirja: Ne vlerësojmë diversitetin dhe përfshirjen në ekipin tonë të kërkimit dhe në aktivitetet tona.
- Integriteti: Ne veprojmë me integritet, ndershmëri dhe përgjegjësi në të gjitha aktivitetet tona.
Aktivitetet
- Kryerja e kërkimeve infermieristike.
- Trajnimi i studiuesve të infermieristikës.
- Përhapja e kërkimit infermieristik përmes publikimeve, konferencave dhe seminareve.
- Bashkëpunimi me institucione të tjera kërkimore në Shqipëri, Itali dhe jashtë shtetit.
Ndikimi
- Qendra Universitare e Kërkimeve ka një ndikim të rëndësishëm në praktikën infermieristike dhe në shëndetin e popullatës shqiptare dhe më gjerë. Kërkimet e Qendrës kontribuojnë në përmirësimin e cilësisë së kujdesit infermieristik, në përmirësimin e rezultateve të pacientëve dhe në promovimin e shëndetit dhe mirëqenies së njerëzve.
