“Economy of Francesco” është takimi me ekonomistët e rinj, i cili u mbajt nga data 19 deri me 21 Nentor 2020.
--------------
“Economy of Francesco” është takimi me ekonomistët e rinj, ky takim është një kërkese nga Ati i Shenjtë; një lëvizje të rinjsh me fytyra, personalitete, ide që lëviz dhe jeton në mbarë botën për një ekonomi gjithëpërfshirëse, të qëndrueshme dhe për t'i dhënë shpirt ekonomisë së së nesërmes. Një nga realtorët e këtij takimi ndërkombëtar është Prof. Raul Caruso drejtor i CESPIC (Qendra Evropiane për Shkencën e Paqes, Integrimit dhe Bashkëpunimit), e cila lindi në Universitetin Katolik "Zoja e Këshillit të Mirë" me qëllim zhvillimin dhe mbështetjen e Shkencës së Paqes.
Në fakt, prof. Caruso do të përballet me çështjen delikate midis interesit publik dhe sektorit privat në kërkim të paqes, me titull: "Ekonomia e paqes dhe rikonvertimi industrial: një plan rimëkëmbjeje për botën" së bashku me profesorët J. C. Cárdenas dhe S. Snyder.
Kjo çështje është veçanërisht e rëndësishme nëse shikojmë industrinë ushtarake ku stimujt privatë shpesh tentojnë të përplasen me interesat e komunitetit. Ka edhe një rol të sektorit privat në shpërndarjen e burimeve të tij për investime që nuk janë pararojë e konflikteve, por që janë më tepër motorë për zgjidhjen e tyre.
Muajt e fundit, Prof. Caruso ka mbështetur punën e të rinjve të fshatit 'Business and Peace' duke marrë pjesë në takime të ndryshme dhe duke propozuar një rrugë në përputhje me zhvillimet e fundit në ekonominë e paqes.
