Elona Mëhilli, profesoreshë e Gjuhës e kulturës Angleze në Universitetin Katolik Zoja e Këshillit të Mirë, pati nderin të përfaqësojë institucionin tonë në Javën Ndërkombëtare të stafit, e cila u mbajt nga 10 deri më 14 mars 2025 pranë Universitetit Katolik të Lilës, në kuadër të mobilitetit për trajnim në Erasmus+. Ky event prestigjioz mblodhi 50 akademikë nga universitetet partnere nga Evropa, Lindja e Mesme, Afrika dhe Azia, duke nxitur dialog dhe bashkëpunim global.
Tema e këtij viti, "Universitetet e së Ardhmes," u fokusua në shkëmbimin e praktikave më të mira dhe në fitimin e njohurive mbi projektet inovative që po formojnë të ardhmen e arsimit të lartë. Një nga diskutimet kryesore gjatë javës u përqendrua në sfidat që universitetet përballen në mbarë botën, ndërsa ato përshtaten me arsimin që po ndryshon shpejt.
Prof. Mëhilli mori pjesë në një sërë aktivitetesh, workshopesh dhe vizitash në kampusin francez ku u prezantuan iniciativat për zhvillim të qëndrueshëm. Gjatë këtij eventi gjithashtu u theksua rëndësia e nxitjes së inovacionit në mësimdhënie dhe të mësuarit dhe futja e metodave të reja për të përmirësuar angazhimin e studentëve dhe praktikat universitare.
Pjesëmarrja e Prof. Mëhillit në këtë ngjarje të rëndësishme thekson angazhimin e universitetit tonë përballë ndryshimeve globale, atyre në arsim si edhe forcon partneritetet ndërkombëtare.
