1. Informacione të përgjithshme dhe shërbimet e ofruara
Sekretaria Mësimore e Universitetit Katolik "Zoja e Këshillit të Mirë" është një strukturë ekzekutive që vepron në bazë të një sistemi elektronik të dhënash, për të përmbushur më së miri detyrat e organizimit të procesit mësimor të Fakultetit.
Është një nga njësitë më të rëndësishme, si për funksionimin e Universitetit, ashtu edhe për konsolidimin e marrëdhënieve më të mira të shërbimeve dhe dokumentacionit, ndërmjet komunitetit studentor dhe stafit akademik.
Sekretaria Mësimore menaxhon dhe zhvillon:
1. Procedurat e regjistrimit të studentëve, procedurat e provimeve e te diplomimit.
2. Detyrimet e Sekretarisë Mësimore për studentët dhe për pedagogët.
3. Menaxhimi i adresës së e-mailit të Sekretarisë Mësimore dhe i telefonatave.
Detyrat kryesore të sekretarisë, lidhur me dokumentacionin që u ofrohet studentëve të regjistruar, janë si vijojnë:
● Vërtetim regjistrimi
● Vërtetim i notave të përfituara gjatë viteve akademike
● Plan studimi
● Programi i studimit
● Vërtetimi i praktikёs
● Përgatitjen e librezës së studentit
● Përgatitjen e kartës së studentit
● Shpërndarjen e materialeve mësimore studentëve (programe, dispensa mësimore, materiale në format elektronik të dorëzuara nga koordinatori i Programit të Studimit).
● Ndjekja e procedurave të tërheqjes, pezullimit, rifillimit të studimeve dhe përgatitja e dokumentacionit përkatës në funksion të procedurës.
Në përfundim të ciklit të studimit, të diplomuarit do të pajisen me:
● Diplomë origjinale
● Certifikatë Diplomimi me nota
● Suplementin e diplomës
● Dokumentet origjinale të studentëve të dorëzuara për regjistrim
Gjatë fazës përgatitore të dokumenteve të lartpërmendura, studentët kanë të drejtë të kërkojnë një Vërtetim Diplomimi, i cili lëshohet në pritje të përgatitjes së dokumentacionit përfundimtar.
Nëpërmjet Portalit të studentëve https://portal.unizkm.al/#/, mund të konsultohet informacioni i nevojshëm në lidhje me regjistrimin, karrierën universitare dhe kërkesat administrative që do të kryhen on-line si:
● Rinovimi i regjistrimit për vitet në vijim
● Prenotimi dhe çregjistrimi nga provimet
● Kërkesa për çregjistrimin e studimeve
● Kërkesa për pezullimin e studimeve
● Kërkesa për riaktivizimin e studimeve pas një periudhe të caktuar pezullimi
● Kërkesa për diplomim (në përfundim të procedurës on-line nevojitet të dorëzohet dokumentacioni në Sekretarinë Mësimore).
2. Organizimi
Sekretaria Mësimore përbëhet nga Sekretaritë e çdo Programi Studimi të Fakulteteve përkatëse si dhe nga Përgjegjësi i Sekretarisë Mësimore.
Diljana Dushku
Adresa: Godina Qendrore - Universiteti Katolik "Zoja e Këshillit të Mirë"
E-mail: [email protected]
Orari i punës: 8:00-16:30
Orari i takimeve: 10:00-12:00
Tel + 35542273290
Fax +35542243291
