Titulli i projektit: Mikrokredia në Shqipëri, një instrument i kohezionit social në kontekstin e BE
Akronimi: MAISCO-EU
Programi: Erasmus Plus (Jean Monnet Module)
Data e fillimit: 01.10.2025
Data e përfundimit: 30.09.2028
Përmbledhje
Në nivel evropian, mikrokredia është bërë një instrument kyç i politikave për të luftuar përjashtimin social dhe financiar, për të nxitur vetëpunësimin dhe për të mbështetur mikro-ndërmarrjet. BE-ja e ka promovuar prej kohësh mikrofincancën përmes programeve si Programi për Punësim dhe Inovacion Social (EaSI) dhe Fondi Social Evropian (ESF). Duke parë përpara drejt kuadrit shumëvjeçar 2021–2027, ky angazhim vazhdon me iniciativa si InvestEU dhe ESF+
Përballë krizave ekonomike dhe rritjes së pabarazisë, rëndësia e mikrofinancës është rritur ndjeshëm. Megjithatë, në mbarë Evropën, shumë individë dhe mikro-ndërmarrje mbeten të përjashtuara nga sistemet tradicionale financiare, duke lënë të paplotësuar një kërkesë të konsiderueshme për zgjidhje financiare të aksesueshme.
Moduli Jean Monnet MAISCO-EU e trajton këtë sfidë duke prezantuar një program akademik të fokusuar te mikrokredia dhe financat etike, të përshtatur për kontekstin shqiptar. Programi synon të përputhet me standardet dhe politikat e BE-së, duke iu përgjigjur njëkohësisht nevojës urgjente të Shqipërisë për kohezion social. Sipërmarrësit e vegjël – veçanërisht të rinjtë – shpesh përjashtohen nga qarqet financiare konvencionale, dhe mikrokredia mund t’u sigurojë atyre mundësi jetike për rritje.
Përtej mësimdhënies dhe kërkimit, moduli synon gjithashtu të promovojë një ndërgjegjësim më të gjerë dhe përdorimin e mikrokredisë në Shqipëri, ku ky instrument ende nuk përdoret sa duhet. Aktivitetet do të përfshijnë jo vetëm studentët, por edhe palët e interesuara lokale dhe kombëtare, vendimmarrësit ekonomikë dhe politikë, si dhe përfaqësuesit e ndërmarrjeve të vogla dhe të mesme.
Përgjegjës Shkencor: Prof. Assoc. Emiljan Karma [email protected]
Koordinator: Universiteti Katolik “Zoja e Këshillit të Mirë”
