Fakulteti

Përshkrimi i Fakultetit

Fakulteti i Mjekësisë, pjesë e Universitetit Katolik “Zoja e Këshillit të Mirë” është ndër të parët në vend përsa i përket arsimit universitar në fushën e shëndetësisë . Fakulteti i Mjekësisë ofron Programe Studimi degë të niveleve të ndryshme si:

- Cikël unik 6-vjeçar në Mjekësi të përgjithshme dhe Odontoiatri dhe Proteza Dentare (Stomatologji);
- Bachelor në Fizioterapi dhe Infermieri si dhe mastera të nivelit të II-të.

Fakulteti i Mjekësisë është në partneritet me Fakultetin e Mjekësisë të Universitetit "Tor Vergata" të Romës. Programi i studimit që zhvillohet është i njëjti me atë të Tor Vergatës në Romë . Në përfundim të studimeve lëshohet diplomë e përbashkët, e vlefshme në të gjitha vendet e Bashkimit Evropian.

Programet e Studimit

Programi i Studimit Mjekësi

Programi i Studimit në Mjekësi zgjat 6 vite akademike dhe përmban 360 kredite universitare (ECTS), të cilat përfshijnë aktivitetin didaktik frontal, praktikën paraklinike dhe klinike. Praktikës paraklinike dhe klinike i korrespondojnë 78 kredite në total.

Programi i Studimit në Mjekësi dhe Kirurgji

Programi i Studimit Master në Mjekësi dhe Kirurgji, i integruar në vitin akademik 2023-2024, organizohet si një cikël studimi unik prej gjashtë vitesh, me 360 Kredite (ECTS), të cilat përfshijnë vepritarinë didaktike forntale, ushtrimet praktike dhe praktikën klinike. Ushtrimeve praktike dhe praktikës klinike i takojnë 78 kredite (ECTS).

Programet e Specializimeve Afatgjata të Fushës së Mjekësisë

Specializimet afatgjata në fushën e Mjekësisë janë pjesë e ciklit të tretë të studimeve dhe konsiderohen programe të formimit profesional që ofrojnë njohuri për profesione të veçanta shëndetësore.Specializimi afatgjatë përfshin formim të karakterit praktik - klinik, të cilit i dedikohet 80% e totalit te krediteve (ECTS), dhe formim të karakterit teorik, të cilit i kushtohet 20% e totalit të krediteve (ECTS), në fushën e specialitetit përkatës.

Programi i Studimit në Odontoiatri dhe Proteza Dentare

Programi i Studimit në Odontoiatri dhe Proteza Dentare (Stomatologji) ka një kohëzgjatje 6-vjeçare (360 ECTS). Aktivitetet mësimore zhvillohen në gjuhën italiane, nga profesorë me emër të partnerit tonë akademik, Universiteti i Romës "Tor Vergata", Universiteti shtetëror i Romës dhe i njohur në fushën e kërkimit shkencor.

Bachelor në Fizioterapi

Fizioterapia është një profesion shëndetësor që trajton zhvillimin, mbajtjen dhe përmirësimin e lëvizjes gjatë gjithë jetës, veçanërisht në pacientët që kanë pësuar trauma e sëmundje të ndryshme, ose tek njerëzit e moshave të thyera. Kështu që ajo përmirëson cilësinë e jetës nëpërmjet parandalimit, trajtimit, aftësimit dhe rehabilitimit të pacientëve në shumë specialitete: ortopedi, neurologji, reumatologji, gjinekologji, kardiologji, pneumatologji, pediatri, etj.

Master Shkencor në Shkenca Rehabilituese të Profesioneve Shëndetësore

Universiteti Katolik "Zoja e Këshillit të Mirë" dhe Universiteti i Romës "Tor Vergata", në përputhje me legjislacionin universitar në fuqi shqiptar dhe italian, aktivizon Masterin Shkencor në "Shkenca Rehabilituese të Profesioneve Shëndetësore" (për ligjin shqiptar "Master i Shkencave" në "Shkenca Rehabilituese të Profesioneve Shëndetësore").

Bachelor në Infermieri

Infermieria është një disiplinë e Mjekësisë, që trajton dhënien e ndihmës mjekësore ndaj të sëmurëve, kurimin e tyre dhe përkujdesjen ndaj individëve për të mbajtur dhe përmirësuar gjendjen e tyre shëndetësore. Për këtë arsye është një profesion me vlerë të lartë shoqërore, që e vendos infermierin në një marrëdhënie të ngushtë me të sëmurin, familjen dhe kontekstin e tij.

Master Shkencor në Shkencat e Infermierisë dhe Obstetrikës

Universiteti Katolik "Zoja e Këshillit të Mirë" dhe Universiteti i Romës "Tor Vergata", në përputhje me legjislacionin universitar në fuqi shqiptar dhe italian, aktivizon Masterin Shkencor në Shkencat e Infermierisë dhe Obstetrikës (për ligjin shqiptar "Master i Shkencave në Shkencat e Infermierisë dhe Obstetrikës").